'Abantu 1000 nibakwatwa akokooka ka siriimu buri wiiki omu Uganda'

 

Akakiiko akarikukora ahandwara siriimu omu Uganda, The Uganda AIDS Commission, keerarikiriire ahabw'okukyendeera omunkoresa y'obupiira omubanya Uganda omukwerinda endwara ya siriimu ekireeteire abantu abantu baingi baaguma nibakwatwa endwara ya siriimu.

 


Eihanga niritunga abantu 1000 abarikukwatwa siriimu buri wiiki kandi 500 nibaitwa akakooko akarikureeta siriimu.

Dokita Daniel Byamukama orikwebembera enkora y'okwerinda akakooko akarikureeta siriimu omukitongore ky'eby'amagara naagira ngu okucondooza okukozirwe kwetoroora eihanga ryona kworekire ngu obucweka 10 bwonka ahari 100 nibo barikukoresa obupiira ekirikureetera ebicweka 90 baaza omukabi k'okukwatwa endwara z'obushambani.

 

 

 

Dokita Byamukama naagira ngu abantu barekyeire aho okukoresa obupiira ahabw'obutafayo kwerinda endwara egi

 

 

Ebyo bikiri aho, poorisi omuri Kampala baine omukazi orikuteekateekwaho kuba abaire nayonsya omwana w'ameezi 9 owa ba muriraanwa. Eki kibaireho omuri Nabweru omururembo Kampala ahi Sharon Muhindo, oine akakooko akarikureeta siriimu, ashangirwe arikwonsya omwana wa muriraanwa.

 

 

 

 

Omuhwezi w'omugambirizi wa poorisi eya Kampala Metropolitan, Luke Owoyesigire naagira ngu kucondooza omunshonga egi kuriyo nikugyenda omumaisho kwenda ngu orikuteekateekwaho acwerwe orubanja omumbuga z'amateeka.