Abashaho bakakyererwa kujanjaba omwana wangye kyarugamu obuzibu bwamani.

Caroline Atuhaire akazaarwa nk’abandi baana, ataine nshonga. Ku yaahikize omwaka gumwe yaakura ebyino nikwo abazaire be kumutwara ow’omushaho w’ekiiraguju omukyaro owaamukwire ebyino obwo arikukoresa empindu y’okuruka ebiibo.

Beitu bakaba batarikumanya ngu omushaya gwa Caroline ogwa buryo, nigwija kuzimba gutandikye kujunda. Abashaho bakahendera bashazire omushaya gwe bagwihiremu. Hati omukugyezaho kugarura busya omubiri gwe n’endeebeka ye ahamaisho, hati nibashara ahamikono n’amaguru gye baihaho omubiri baguta ahamaisho, nikwo nyina arikushoboorora omubusaasi bwingi.



Eki ku kyabaireho, ishe ow’emyaka 27 hati yaaguza eitaka rye n’eby’obushuubuzi kuraguriza Caroline omumarwariro gatari gamwe na gamwe.

Enju egi omukishushani hati niho ahi barikweta omuka owaabo. Kandi ahi birikweyongyerera kuba kubi n’okugira ngu eitaka eri bariho ti ryabo, kwihaho omunyambabazi niwe yabahwereire kuribaha ngu bahingyemu siizoni emwe, yaahwa barugyemu. Ahi barikuza bwanyima y’aho tihakamanyirwe.



Abashaho bahabwire  eka egi kutwara Caroline buhindi kuragurirwa. Beitu nibetaaga miriyooni 50 baaza kumugarura busya.

Obuhwezi bwona oburikumuheebwa nibwija kwakiirwa n’emikono yombi​. Teera esiimu egi 0786304379