Kenya: Omubaro gw’abazahambuki aba gubaire gutakamanyirwe kurungi.

Purezidenti wa Kenya, Uhuru Kenyatta eriizooba yaagira ngu abazahambuki ab’ediini y’obusiraamu abateireho okutaahirira okumazire haihi eshaaha 20 kandi bakaita abantu barikuhika 14.


Nimbahamiza ngu ab’eby’okwerinda baijwire ahakyombeko ekya Dusit kandi abazahambuki boona baitwa,” nikwo Kenyatta agambeire eihanga arikwohereza obutumwa bwe kurabira ahamukutu ogwa Tiivi.

“Obwahati, nituhamya ku abantu 14 baitwa abazahambuki kandi abandi batunga obuhuta.”

Amakuru kuruga omu poorisi hamwe n’orikukora omuk’abafu, enyimaho, yaaba yaagizire ngu hafiire abantu 15

Kenyatta naagira ngu abantu ba buriijo barikuhika 700 nibo bajunirwe kuruga omukutaahirira oku kwonka tibashoboroire kurungi yaaba haine ababaire bakyesherekire omukyombeko

Entambi ezikwatsirwe za kamera ez’omukyombeko nizooreka abantu 4 bajwaire ebirikwiragura kandi baine eby’okurwanisa bingi barikutaaha omukyombeko omu ihangwe ry’orwakabiri.

Kandi omwe ayebarwire na bomu okutaahirira oku kurikutandika.

Omwe omubapoorisi yagira ngu abazahambuki 2 baaba baitsirwe omukasheshe k’orwakashatu bwanyima y’okuhanisa amasasi kumara obwire buraingwa

Ababiri aba baaba bekomire obwenda burikutukura ahabuso kandi n’amasasi gakomire ahakifuba baine na za magaziini nyingi z’embundu.” Omupoorisi nikwo agizire.

Ngu buri omwe yaaba aine embundu y’ekika kya AK47 kandi hati ziri omumikono y’abapoorisi.​


N'ebya AFP.