Major General Mugisha Muntu akasheshe k’eriizooba yashuruura ekibiina ky’eby’obutegyeki ekisya

Mugisha Muntu

Naagira ngu the New Formation neija kutongozibwa kurisimansi etakahikire.


Arikugamba n’abanyamakuru ahaby’okuruga omurubaju oruhakani orwa FDC omuri Kampala, Muntu yaashaba abanya Uganda boona abarikwikirizana n’enteekateeka yaabo ku babegaitaho


Aine okwikiriza ngu ekibiina ekisya ekirikukwekorera emirimo yaakyo nikibaasa kucungura eihanga eri kuruga omukintu eki yayenta omuhanda ogurimu akabi ogu ririyo niritamburiramu.Muntu yaashoboorora ku bashangire FDC eine okubaganisa kwingi.


Owaabaireho omwebembezi w’ekibiina kya FDC naagira ngu abanya Uganda bashemereire kwikiririza omunshonga y’okugira ngu Uganda terikubaasa kuba emwe etaine mazima n’oburingaaniza; ngu obusingye, obumwe hamwe n’empinduka tibirikubaasa kubaho obwo obutegyeki butahindukire bukaza omumikono y’abantu
Muntu nareeba ngu okukyendeeza obwimukyero nihetaaga amaani agarikurenga ebibiina by’obutegyeki, ebyanga hamwe n’enyikiriza.​