Mbarara kuza aharurengo rwa City omwaka ogurikwija


Abenaitwe Cliff

Munisiparite ya Mbarara neija kuza aharurengo rwa " City" kutandika n'okwezi kwa mushanju omwaka ogwa 2020 kabineti nikwo ekiteireho ekinkumu. 

 

Kabineti nyomwabazyo eshutamire aha State House omuri Entebbe eikiriize okuhindura Munisiparite ya Mbarara kuba "city" na diviijoni 2 Mbarara ey'amatemba n'ey'amashuuma kutandika n'omwaka ogurikwija oteireho n'endembo ezindi 4.

 

Mbarara City neija kutandika emirimo yaayo ah'izooba niryo rimwe na Fort Portal, Arua, Gulu na Jinja.

 

Omurukiiko rwa kabineeti nirwo rumwe,  kishazirwemu ngu endembo eza Mbale na Hoima n'ez'okuza aharurengo rwa City omukwezi kwa mushanju omugwa 2021 kandi Lira na Entebbe n'eza okwamushanju 2022. 

 

Encwamu ya kabineti egi neija kutwarwa omu ishengyero kwikirizibwa.