Orikwebembera eishomero ry'abaishiki erya Immaculate Heart Girls’ School Nyakibale, yasingura ekirabo ky'amaani.

Immaculate Heart Girls’ School Nyakibale

RUKUNGIRI - Ekitongore ekirikugaita amahanga ga Africa ekya African union kitoraine sister Gladys Kachope kuhebwa omudaari ogu ogwa African Union continental teacher's award.

Abasingwire emidaari egi nibeija kugitungira aha kitebe kikuru kyamahanga aga Africa omu kibuga Adis Ababa omuri Ethiopia.
Sister Gladys atwiire ari mukuru w'eishomero eri kandi akozire ebintu nyamwingi ebireteire eishomero eri ryahinduka eryomutaano oteireho okweyongyera kwabeegi n'okusinga ebigyezo omwihanga ryoona.