Ow’emyaka 27 ayitsire omushaija ahabwa tooki ya shiringi 1,000.

Poorisi omuri Bundibugyo eine Costa Baluku, 27, omunkomo bwanyima y’okuteera ishe ebikonde akamwita ahabwa tooki ya shiringi 1000
Eki kihamiibwe orikukurira poorisi ya disiturikiti ya Bundibugyo Swaibu Taban.

Taban naagira ngu bakwata Baluku shaaha 11 z’omukasheshe k’orwakana barikuhwerwaho abataka b’ekyaro.
Eki kibaireho ahari shaaha nka 4 z’ekiro omukyaro kya Bundibuturu omugomborora ya Kirumya.


Okurugiirira ahari Annet Kyakimwa 18, muka Baluku, ebi byona bitandikire bwanyima ya Baluku kutandikaho entongane na munywani w’ishe ahabwa tooki.
Omugyenzi amanyirwe nka Yofesi Kule Kilimunda, 48.


Tata-zaara akaija kujuna ababiri aba nikwo Baluku kuhindura emirisyo nikwo kutandika kuteera ishe ebikonde by’amaani buri hamwe,” nikwo Kyakimwa arikugira.
Nayongyera agira agira ngu "Tugyerizeho kubataanuura beitu naitwe yaatandika kukuteera nikwo kuteera enduuru bariraanwa kwija kwonka tatazaara kubaire gwahwairemu."


Muriraanwa owa haihi kandi obaire ariho naagira ngu omugyenzi atwaire omumihondano etahwaire n’abatabani.
Asanasio Bwambale, Ceyamaani w’egomborora ya Kiruvmya agambeire abanyamakuru ngu eka egyo etwaire eri ey’endwano kumara obwire buraingwa.
Omubiri gw’omugyenzi gwatwarwa omu irwariro erikuru erya Bundibugyo omuk’abafu.