Obuzaano bweitu

Deadline:
MTN baayongyera ahabwingi bwa Intaneeti ei barikuha

N'ebya Andrew Tushabe

Kampuni y'eby'empurizana eya MTN yaamanyisa ku baahindura ahabwingi bwa intaneeti ei barikuheereza ba kasitoma baayo ahabishare ebi batwire nibashashura.

Eki kyareetera intaneeti ya kampuni ya MTN kuba niyo eri ey'ebeeyi y'ahansi omu ihanga, barikwongyera ba kasitoma baabo za MB nyingi ahabishare ebi batwire nibashashura.

Omurukiiko rw'abanyamakuru orwabaho akasheshe k'eriizooba ahakitebe kyabo kikuru omuri Kampala, Wim Vanhelleputte, orikukuri kampuni egi omu ihanga, yaagira ngu eki MTN yaakikora erikugumizamu kuta amaani omukugarura omuhendo omusente za ba kasitoma baabo ahabishare ebirikubaasika kandi bagumizemu n'okubatunguura barikubabaasisa kuhurizana.

"Tucweiremu kukyendeereza kimwe ebishare bya intaneeti kwenda ba kasitoma baitu bongyere kuganyirwa omusente zaabo ahabw'okuba nitwikiriza ngu buri omwe ashemereire kuba nashemerererwa omumurembe gw'ebiro ebi ahi abantu baine kuba nibahurizana," nikwo Vanhelleputte yaagira.

Eki nikikwata ahari ba kasitoma abarikukira kukoresa intaneeti erikwizira omubucweka bukye kandi erikukoresibwa omu izooba rimwe. Obwa hati intaneeti egi eine za MB nyingi kwonka ebishare tibyongyeirwe ekirikumanyisa ngu ba kasitoma ba MTN nibatunga intaneeti nyingi ahabishare ebitwireho. Eky'okureeberaho ba kasitoma, ahari shiringi 500 eza Uganda ba kasitoma nibaija kuba nibatunga MB 65 kuruga ahari MB 40 ezi babeire nibaheebwa nyima kandi ahari shiringi 1,000 eza Uganda nibaija kuba nibatunga MB 165 kuruga ahari MB 100 ez'enyima.

Okwongyerera ahankoresa ya intaneeti etarikuteganisa, MTN hati batandikireho kwiguraho emyanya ei ba kasitoma barikubaasa kukoresa intaneeti eri aharurengo orwa 4G omu ihanga ryona.

"MTN eyehaireyo kukora buri kimwe ekirikwetaagisa kuha intaneeti erikubaasika, ahamukura gw'eby'empurizagana omurungi munonga. Kandi twaza kugamba ahabwire obu, obu turimu, twine amatsiko ngu intaneeti egi eyayongyerwaho obwingi, neija kuhwera ba kasitoma baitu kuruga omubizibu byona ebi baatungire turi omu 'lockdown' ka habe omu bizinensi zaabo, emishomo n'ebindi bingi," nikwo Vanhelleputte yahendera arikugira

#WestUpdates
#MTNInternet

Deadline:
Vision Group yatongoza omworeko gwa Bride and Groom

N'ebya Andrew Tushabe

Group eriizooba yatongoza omworeko gw’eby’emikoro ogurikumanywa nka Bride and Groom Expo ogw’omurundi ogwa 12 kandi ogu nigwija kuba guri omumuringo ogwa tkinologiya na sayansi nari Virtual Experience. Ahabw’okubarukaho kw’endwara ya coronavirus hamwe n’emihingo eteirweho ahamikoro n’ebiivuru, omworeko ogu nigwija kworekwa aha tiivi zoona eza Vision Group ezirimu TV West, Bukedde TV, Urban TV na Wan Luo buri rwamukaaga kutandika na shaaha 8 kuhisya shaaha 10 hamwe na Sande kutandika na shaaha 9 kuhisya shaaha 10 kandi omworeko ogu nigwija kuba nigworeka kutandika 11.09.2021 kuhisya 03.10.2021. Omworeko ogu nigwija kuba niguza butunu n'ahamukutu gwa intaneeti ogwa Facebook ogwa za tiivi ezi.