On Air
Wamanya
7-10pm
Up Next
Midnight Melodies
10pm-12am
Later
Midnight Melodies
12-1am
Owakutangaheru
6-10am
The Hot 10 tracks
Abahereza
Ntare Patrick
A.k.a Mulwadde Rugamba enzarwa yamasaka ahakyaro kasanjje bilinzi
Mulwadde nakunda eby’obutegyeki kwararekure omurimo gwe,nazakubyejumbiramo.
Aine famire,nankunda kunywana kandi nakunda nokukoragana naburi muntu.
Mulwadde akazaho omumahe yamaramu emyaka ena.
Omubwire bwe bwokuhumura nakunda kuza kuziha (swimming)
Nakora Puroguramu Owakuntangaheru kuruga owakubanza kuhistya orwakataano shaaha 6 mpaka shaaha 4 ezakasheshe.
Noyenda kugamba na Mulwadde mushangye aha
Kanyesigye Kenneth
owu baingi barikumanya nka Brother Kenneth, eiziina eryo akaritunga kuruga ahari Radio emwe yeki kristaayo (Christian Radio) eyiyabaire nankoraho ahabwokwetwaaza mpora abahurikiriza nibo bamuhaire eizina rya Brother ngu akaba ashemereire kuba omu Brother omu byediini.
Nanzaarwa Kashenyi Bugamba Rwampara. Abazaire be boona bakatwaarwa nambashabira ekihumuro kirungi.
Brother Kenneth nomurokore Ruhanga akamunjuna! Aine omukazi omukundwa Evelyne Kanyesigye, baine abaana bashatu babeishiki.
Akashoma ebyamakuru nokuhereza aha Radio na Tv, ekindi ndi n’omuhumuriza (Counselor)
Nakora Puroguramu eya Ninsiima aha sande, Chamuka na Weekend orwamukaaga na Late Night buri kiro.
Nakora naha Tv West programme yediini eya Ndyamusiimanta buri sande omukasheeshe.
Yaba atari hamirimo ye naba arikuhereza ahakanisa ahabwokuba nankurira eminyeeto omu Kanisa eyarikushabiramu, rero nankunda nokuba neeka ye munonga.
Nakunda kukora emikago eyomugasho ahamagara gye, Nokurya ebitookye nenyama hamwe nakaro kekinyankore.
Noyenda kugamba na Brother Kenneth mushangye aha
Vincent Mujurizi
N’enzaarwa y’omukyaro kya Buhingo Rugando Rwampala.
Akatandika kukora na Radio West omugwa 2009 obu yatandika kukora puroguramu ya Jumbura buri rwa kabiri shaaha 11-12 zakassheeshe kandi nabwanyima akatandika kukora puroguramu yekitangaazo buri rwokubanza omumwabazyo kuruga shaaha 3-4 kandi nabwanyima akatandika kukora puroguramu ya burizooba erikumanywa nka agokunoku shaaha 8-9 zeihangwe aha Radio West.
Obwahati nakora na puroguramu Sisimuka burizooba omukasheeshe kuruga shaaha 6:30-9:00Am aha Tv West.
Nakunda kushooma ebitabo bwingi ebitwatiraine na politics, Philosophy hamwe na Astronomy.
Ekirooto kye nokwenda ngu atakikora omu Media abase kwekozesa omumirimo endiijo ekirikwija kumuha obusingye bwokukora ebyarikukunda nkomuntu akabasa kutambura amahanga mingi gensi kwenda kutunga obwengye kuruga omumbaju zoona zensi.
Motto ye ni “Life is Lived Once but once lived well, Once is enough” nayenda kutura amagara marungi ahabwokuba amagara nigatuurwa omurundi gume nahabwekyo nagira nikirungi kugaturamu kurungi ngu ahabwokuba omurundi gumwe ogwe niguba nigumara.
Noyenda kugamba na Mujurizi mushangye aha
Nuwagaba Gloria
nakora puroguramu ya Good Night Melodies kuruga shaaha 4 kuhistya shaaha 7 z’ekiro.
Gloria nakunda abantu kandi buri shaaha naaba ashemereirwe. Waamuha ekitiinisa naawe nakuha ekitiinisa.
Gloria n’omuntu ahunami kandi tarikukunda ruzambiira. Obwire obwingi naabumara n’abaana be nari arikukora bizinesi.
Noyenda kugamba na Gloria? Nomushanga aha
Hazel Kaliisa
enzaarwa ya Buliisa, omuri Bunyoro, n’omwishiki aine amagyezi maingi kandi nk’eky’okureeberaho nakunda kureeba omupiira obwe nikwo arikuba nanywa ahari ka club beer akarikufukiirira kurungi eky’abaishiki baingi batarikukira kukora.
Oyihireho okureba omupiira Hazel nakunda kuhurikiriza obwenshongoro n’okureeba za filimu.
Hazel n’omuzaire, aine abaana 2 kandi eki na kyesiimisa munonga.
Hazel yamara enyaka 13 arikuhereeza omu Radio. Nakora puroguramu y’omukasheeshe Owakutangaheeru kuruga shaaha 12 kuhisya 4 z’akasheeshe Orwokubanza kuhisya Orwakataano.
Noyenda kugamba na Hazel? Nomushanga aha;.
Charity Mbabazi
n’omwishiki orikukunda kushemererwa ahabw’okuba nayanga okunyiiga. Nakunda abantu kandi nagambiriraho bwisho.
Charity nanywana abashaija munonga ekirikutuma abantu batandiika kugamba kwonka we eki kimuhwereire munonga aha kumwombeka nk’omuntu.
Charity nakora purogurame Y’Enaama nari shi Evening drive kuruga shaaha 9 kuhisya 1 z’omwebazyo kandi nashoma n’amakuru aha TV West.
Aine omushaija n’omwaana omwe. Charity yaba atarikukora aha Radio na TV naba ari omumirimo ye ey’okwekoresa omu bizinesi nokureeberera eka ye. Nakunda kurya emondi hamwe n’enkoko.
Noyenda kugamba na Charity? Nomushanga aha.
Adella Mbabazi
Nakunda kusheka munonga.Nakunda kunywana buri muntu nk’oku ari. Oyihireho ekyo, Adella nakunda kuzina n’okuhurikiriza ebyeshongoro by’ediini n’ebya rukundo.Adella nakunda kureeba filimu omu bwire bw’okuhuumuraho n’okuza aha mukutu gwa intaneti. Adella yaamara na Radio West emyaka 6 hati arikukora nk’omuhereeza wa puroguramu y’eby’amaka buri Rwamukaaga kuruga shaaha 12 kuhisya 4 z’akasheeshe kandi nka Programs producer.Adella nayenda kukora ebi atakarugire omu magara g’ensi egi: Kuhereza omwana w’omwishiki amagyezi g’okwebeisaho nyensya n’okureeberera abaana abataine kireeberera kwenda ngu nabo nyensya yaabo ebonere. Kandi nayenda nokuza ahakiganiiro kya TED Talk okugamba aha mwaana w’omwishiki ku ari ow’omugasho.Okurambura Buraaya yoona na Brazil nakyo n’ekirooto kya Adella oteebirwe n’okuba omwe ahabakazi abarikukora ebyafaayo omunshonga za intaneti omuri Africa.Okufeerwa abazaire be boona akiri muto, eki kikeegyesa Adella okumanya kwefaho n’okufa ahari beine nyina abato, ekyamuteiremu omuhimbo n’okugira ngu ensi tiyokuzaanisa; oine kukora n’amaani kureeba ngu waatunga eki orikwenda.Noyenda kugamba na Adella nomushanga aha
Kabagambe 'Master teacher'
Owumuhurira omu programme ya owakutangaheru na puroguramu y’akagwe. Akazaarwa emyaaka ashatu na munaana ehingwiire. Aine omukazi naboojo bashatu. Namanywa nk’owaabandize kuhandiika programme yaha Radio Na kakyebezi bakagyihamu akatabo ( Akagwe ). Akakuguka omu kuteera ebishushani (Art Design) kwonka akaija yashanga yagiire omu Radio. Kwiiha obwo takareebaga enyima. Ekyaabeire kiri haihi kumuremesa omurimo. Akaba ntakashomaga ekirango kyomuntu ofiire, kubaakimuhiire yahurira obusaasi . Okashusha oti niwe yafeerwa. Tarakishomire aho baayenda kumukwaata ahankomo. kwonka bikija byaahwa. Amazire obwiire buringwa nakora omu radio nkomuhereza waha mbeho (Presenter) . Naakunda kweshemeza mu omu shaaha zomwabazyo na banywaani be. Ngu ekyokurya kye nobumondi obusiikire Noyenda kugamba na Master Teacher Kabagambe mushangye aha
Nandinda Dickson Baryahabwe
enzaarwa ya Rwashamaire Town council, Kajara Ntungamo District.
Dickson n’omuntu orikukunda kugaanira ahanshonga z’eby’obutegyeki omw’ihanga nangwa n’aharurengo rw’ensi yoona.
Ekirooto kye n’okwija kujwekyeraho abantu ahantebe y’eby’obutegyeki eri aharurengo rw’ihanga kandi eki aine okwikiriza ngu nikyeija kuhikirira omubwire butari bwa hare.
Obwiire bwe obwakahuumuro naabumara arikureba n’okuzaana omupiira kandi tiimu ye ei arikuhagira omuri Buraya ni Arsenal hamwe na tiimu y’ihanga eya The Uganda Cranes.
Ninkunda gugaanira n’okuteera obuyaga na buri muntu (Abato, abakuzire, abakazi n’abashaija)
Ekintu eki arikwangira kimwe n’omuntu w’orugambo n’ekishuba hamwe n’abo abarikukunda kuringuriza ahanshonga ezitarikubakwataho.
Akashoma eby’amakuru kandi okuruga aheza, atwaire naakora na Radio West/ Vision Group nka Programmes Controller kandi agaruka aba omuheereza wa purogamu y’eby’obutegyeki Manya Ebikufa Omwihanga ryawe buri Sunday shaaha 4 kuhisya 6 z’ihangwe.
Noyenda kugamba na Dickson nomushanga aha
Patrick Kabateraine
A.k.a Nuguless, ezarwa ya Rwariire, Rwampara, Mbarara. Patrick akakura nakunda kuzana omupiira kuhika na maama we kumwima eby’okurya ahabw’okugira ngu akaba ayanga kukora emirimo y’omuka ahugira ahakuzaana omupiira. Eizooba rye tirikarenga gye yaba atazanire mupira ninga okugureeba. Patrick yaamara obwire omu Radio hati naakora na TV West. Nakunda kurya ebitookye, enyama y’embuzi hamwe n’eshabwe. Okunywa ka wine omu weekend nikimukorera gye kurungi Noyenda kugamba na Patrick? Mushangye aha
Ivan Murungi
Nazaarwa omugomborora ya Rwamucuucu, eishaza rya Rukiga omu district ya Kabale.
Akamara okushoma omumwaka gwa 2008 aha Uganda Christian University Bishop Barham Kabale, reero yatandika kukora ahakaradio kakye ka kakwekano beitu atarikushashurwa kumara emyaka ebiri.
Konka kikamuhwera kubona obumanyirivu ekyamuhwereire kukora gye ahamarediyo maingi omuri burengyerw-izooba.
Oyihireho okuba omuheereza aha radio nikagambirizi w’emikoro etari emwe n’emwe.
Obumwe n’obumwe, nakunda kuzaana n’omwaana we omwe hamwe nokutendekwa omukuteera ebikonde kwonka bitari by’esente, hamwe n’okuteera omupiira.
Yaba ariwenka, naba ariomukunywa akacupa ka castle lite akarikutagata.
Ahandi, Ivan nahabura eminyeto kukora n’amaani ahabw’okuba, buto, niyo erikukorera bukuru.
Nakora puroguramu ya Akagwe n’ey’Enaama buri izooba bwanyima aija akora na poruguramu eya Baabukaara aha Sunday.
Noyenda kugamba na Ivan? Mushangye aha.
Philbert Akankwatsa
nenzarwa ya omu Ruharo, Mbarara. Philbert obwazarwa bakaba nibatekateka ngu nomwishiki ahabwokuba nyina akaba nayeenda omwana w’omwishiki kwonka Ruhanga ekyo tarakimuhaire ahabw’okuba na aboojo bashatu kandi n’oweizaara ry’akabiri. Kwonka bakaba nibamutwara nk’omwishiki ahabw’okuba omubwana bwe akaba narebeeka nk’omwishiki.
Philbert n’omuntu webigambo bikye kwonka nakunda kuhakana. Nakira kuhurikiza munonga kukira okugamba. Nayetwara munonga yaba naronda emikago.
Akashoma ebyamakuru (Bachelors of Arts in Mass Communication) kuruga Uganda Christian University, Mukono. Nakunda omurimo gwe abw’okuba nigumwegyesa ebintu bisya buri mwanya.
Philbert aine omukazi n’abaana babiri.
Philbert nakora puroguramu eya Goodnight Melodies kuruga shaaha 4 kuhisya shaaha 7 z’ekiro bur’izooba.
Waaba noyenda kuganiira na Philbert nomushanga aha
Muchunguzi Samuel
nenzaarwa ya Kabahambi, Ntungamo now’omwami n’omukyara John Patrick na Norah Rwakigoba kwonka Ishe akatwarwa aine emyaka eshaatu y’obukuru nahabwekyo n’omwana w’omukazi
Yaaba atari hamuriimo nakira kushitama naboojo ninga omu Rotary club.
Nankunda emizaano kandi nomuhagizi wa Arsenal na Netherlands.
Nankunda eby’obutekyeki kandi kwarahumure nabaasa kuza omuby’obutekyeki Ruhanga ery’omuhwezi we.
Sam nakora puroguramu ya Katuhurirane na Wamanya kuruga shaaha 1 kuhisya shaaha 4 z’ekiro bur’izooba.
Waaba noyenda kuganiira na Muchunguzi Sam nomushanga aha.