Aba Hoima School of Nursing and Midwifery beesharingire ahabw’ebishare by’eishomero

Poorisi erikurwanisa obwesharingo eyeshukire ah’eishomero rya Hoima School of Nursing and Midwifery bwanyima y’abeegi kutaho akeesharingo k’obusingye barikwetomboitira ebishare by’ishomero ebiri ah’iguru omukaire kagufu ak’ameezi 2 gonka.

Abeegi bakingire eiryango yoona erikutaaha omu ishomero kandi babamba ebyapa barikuzibira abakozi abandi boona oteiremu na mukuru w’eishomero kutaaha omu ishomero kuhisya obu enshonga yaabo eraakorweho.

Bamwe omubeegi nibagira ngu nibaha shiringi miriyooni 1 na 900,000 omu semisita 1 kandi obwo amashomero agandi ag’omuringo nigwo gumwe nigashashura ebishare bikye ahari ebyo kandi obwio abebembezi b’eishomero nibakimanya ngu obu n’obwire obu abantu barugire omubizibu by’endwara ya #COVID19 ahi abazaire bataine sente.

Akeesharingo ako kasharareize emirimo ah’ishomero ekireeteire kamiishana w’orurembo rwa Hoima, Samuel Kisembo Araali hamwe n’abandi bakungu kwija kwikaikanisa abeegi.

Abebembezibabandize kugiraho arukiiko rwekiikire kandi nikwo omujwekyerwa wa Purezidenti omururembo orwo kugambira abeegi enshonga ezaahinguzibwa omurukiiko kandi hoona nikwo kubashaba kugumizamu n’emishomo yaabo obwo bategyereize encwamu y’akakiiko k’eishomero ahabishare ebi barikuza kubacwera.

Abeegi baikiriize ekitenso ekyo nikwo kwemereza akeesharingo kaabo beitu hoona bashabire abeebembezi b’eishomero kutwara enshonga egyo nk’ey’omugasho.

Ogu nigwo murundi gw’okubanza omumyaka obu abeegi ba Hoima School of Nursing and Midwifery barikwesharinga.

Omugwa 2019, abeegi bakesharinga barikushaba ku owaabeire naakurira eitendekyero eryo aijurirwa barikumutura okuremwa kukora ahanshonga zaabo nk’abeegi.

N’ebya Ismael Kasooha
#WestUpdates