Akagwe

Buhweju

Enjura y'eihunga etahirire kandi yateera ahansi ekiyungu ekibaire kirimu omukazi n'abaana be bashatu bafeeraho omukyaro ekya Kyesika, egomborora ya Karungu omu disiturikiti eya Buhweju.



Aba bamanywa nka Kyogabirwe Jovitah, 30, Tayebwa Timothy,13, Kyogabirwe Annah, 3 na Agaaba Crescent ow'emyeezi 8 boona kuruga omuka emwe.

Abantu abandi abafereiremu harimu omukaikuru Teopista Keminagano owa 81 kuruga omukyaro nikyo kimwe n'ondijo mukaikuru obaire atayaayire kuruga Mutoojo, Buhweju hamwe na Kora Agnes naawe kuruga Mutoojo.

Beitu hakizire abantu 4 abairukangizibwe omw'irwariro erya Bwizibwera.Abantu aba babaire bagire kuheereza omuzizi eka egi bwanyima y'enjuura kugwa nikwo bakegama omu kiyungu ekabaita.

Mukama abagyenzi abaheereze ekihyumuro kirungi.