Chemutai taraaze omuza Mountain Race ahabw’obuhuta omukuju

Kyampiyooni ah’ihanga kandi omwiruki owasingire emidaari emirundi 3 Martha Chemutai atungire obuhuta atakagiire omumpaka z’okutooranamu abaraaze omuza Mountain Race
Arikugambaho n’abanya makuru omuri Kapchorwa, Chemutai amanyeise ku atarikuza omumpaka ezi

“Nimpurira kubi. Mbeire ninyenda kuhayana kandi ntwaire nintendekwa munonga kuza omumpaka z’okutooranamu abaraaze omu Mountain Race kwonka ijo mpuriire okuju kwangye kwayanga,” Chemutai nikwo agizire.

Omwiruki ogu asigaize okureeba mutaahi we Peruth Chemutai arikwegyezamu omukasheeshe ahakishaayi Boma

Chemutai hoona naagira ngu obuhuta tiburi bw’amaani kumuremesa kuza omumpaka eziraabe ziri omuri Bufaransa ahi bakama be bamuhandikiise

“Naatandikire kukira mpora mpora kandi omutendeki wangye Addy Ruiter anshabire ngu amaisho goona ngate ahampaka ez’omumaisho,” Chemutai, ow’emyaka 17 nikwo agizire.

Ogu hoona ayongyeire yaashoborora ngu atwire n’obusaasi omukuguru kwe kwa bumosho bwanyima y’okutendekwa munonga wiiki ehweirekandi abeire naakimanya ngu okuruga omumpaka ezi nikwija kugwisa kubi abarikumushagika.

Obwa hati Chemutai naija kuba ashutami ahari Taryet High nyencakare ahagire bataahi be abaraabe nibaza omumpaka z’okwirukangira omuri Italy omwaka ogu ku guraabe niguhwa. Abairuki kuruga South Sudan, Kenya, America, Rwanda baayegaitsire ahari bataahi baabo omukwetebeekanisiza empaka ezi

Hati ahabw’okugira ngu Chemutai tarimu, amaisho goona nigaija kuba gari ahari Daniel Ayeko obaire ari owaakabiri omwaka oguhwaire omumpaka nizo zimwe. Ayeko n’omwiruki wa enkambi eya Kampala Capital City Authority kandi abaire natendekwa n’amaani arikweteekateekyera empaka ezi

Abairuki abandi aba Uganda abarairukye harimu Ronald Kato, Sunday Komakech, Tonny Omara, Oscar Chelimo n’abandi baingi.

South Sudan nayo eine abairuki baingi kandi hoona abaraabe nibaza omumpaka ezi kandi nabo batwire nibatendekyerwa omunkambi yaabo eri omuri Kapchorwa. Egi erimu Semi Thiel, John Abiech, Marko Piyien, Mawel Gabriel Magot hamwe n’omwiruki waabo ou barikwesiga,  James Cici.

Najjim Mahmoud owa America orikutendekwa aba  High Altitude, Arizona Management Agency nawe atwire omuri Kapchorwa kandi nawe aine amatsiko g’okuza omumpaka ezi kandi akarabaho nyencakare.

Abazaani barikurenga omuri 100 nibo barikuteekateekwa kuza omumpaka ezi eza Mountain Race.


N’ebya Javier Silas Omagor
#WestSports