Coronavirus: Lionel Messi ahaire obuhwezi bwa biriyooni 4 na miriyoon 200

Coronavirus

Kaputeni weihanga rya Argentina orikuzanira Barcelona omuri Spain, Lionel Messi yayegaita ahamutendeki wa Manchester city Pep Guardiola hamwe na kiraabu ya Arsenal kuherezayo sente zokuhwera abantu abateganisibwe oburwaire bwa Coronavirus.


 Messi yaha obuhwezi bwa biriyooni 4 na miriyooni 200 omu sente za Uganda kuhwera abateganisibwe ekirwiire eki.
 
Omuteebi Messi emyaka 32 owa kiraabu ya Barcelona niiwe yaaba omuzaani w'okubaaza w'amaani kurugayo akahereza sente miriyooni emwe ya Euro eziri kwingana biriyooni 4 na miriyooni 200 kuhwera abantu abateganisibwe ekirwiire kya Coronavirus.
 
Messi nagira ngu sente ezi niziza kuhwera omu kuguriira abarwiire eby'okurya hamwe n'eby’okukozesa omu marwariro . Ekindi zimwe sente n'ezokuhwera omukushomesa abantu aha kabi ka coronavirus.
 
Messi atebire goora 638 omumizaano 750 kwiha atandika kuzaana omupiira omu myaka 16 eyazaniire Barcelona.
 
Ogu timurundi gw'okubaaza Lionel Messi arikuhwera abantu, akaba yahweriire aba Kenya obu oboherereza emitwaro 200000 za paundi kubombekyera amaizi.
Messi aine obugaiga bwa sente erikwingana miriyooni 400 za dolla omuza Uganda eziri kwingana trillion 1.5 kurugiriira aha kucondoza kw'omwaka gwa 2020.
 
Kooki Pep Guardiola yayegaita ahari Messi kuherezayo biriyooni 4.2 kuhwera abantu abateganisibwe ekirwiire coronavirus hamwe n'okwegyesa abantu abateganisibwe oburwaire omweihanga rya Spain.Guardiola  obuhwezi yaburabya omuri Angel Soler Daniel Foundation na Medical college of Barcelona owabo.