Embundu eitsire OC omuri Mbarara yajumburwa

Pooriisi omuri Mbarara eriizooba 10/9/2021 yajumbura embundu eyakoresiibwe omukwita CPL Agaba Richard, mita 50 kuruga ahu yayitirwe omu rutokye rwa Ngabirano Vincent, 47, omuri Mbaguta Cell, woodi ya Ruharo omu divijooni eya Kamukuzi omu rurembo rwa Mbarara.

Pooriisi yamanyisibwa mukama w’orutookye bwanyima y’omwe ahabakozi be owamanywa nka Agnes Namugumya, 32 kugireeba obu yaaba nahinga akasheeshe k'eriizooba.

Pooriisi eyaaba eyebembeirwe omuduumizi wa pooriisi ya Mbarara na tiimu y’abarikucondooza baahika ahamwanya ogu nikwo kutunga embundu namba SAR 2691820 n’amasasi kandi byatwarwa nk’ebizibiti kuhwera omu kukyebera ebinkumu n’okucondooza omu mushango ogu.

N'ebya Fred Turyakira


#WestUpdates