Emily Kikazi t'orikutwehisya itwe nk'abeshongozi - Shine Omukiga

Emily okwe ahi turikwakira ka tutarikukureebayo? T'orikutwehisya itwe nk'abeshongozi! N'omukibiina kya UMA t'orimu – Shine Omukiga, Purezidenti UMA Kigezi/Ankore.

Shine agambeire Emily Kikazi obu abeire nagaaniira nawe aha #UpcloseWithEmilyKikazi

Emily Kikazi aha kutandikaho ekiganiiro "Upclose with Emily Kikazi"

Omweshongozi yaaba nakura kurana omubweshongozi, nihaba hariho engambo hamwe n’amakuru gatahikire.

Obwahati ahabw'okugira ngu tinyine mirimo mingi omuby'okweshongora ahabwa Lockdown, ndugireho natandika show eyangye ahi ndikugamba amazima ga buri kimwe eki ndikurabamu nk'omuntu orikukira kureebwa n'okumanywa baingi. 

Nyine amatsiko ngu eki nikiija kwegyesa, kishagikye kandi kyombekye ogwo weena orikwenda kwegaita omubintu ebi ndimu. 

Abeeshongozi baingi barugire ahakigyendererwa eki barikuba bariho ahabw'embeera erikushangwa omumurimo ogu. N'ah'abw'ekyo ningamba amazima agarikukwata ahabintu ebi ndabiremu.

Show eri aha Channel yangye eya YouTube. Nyine amatsiko g'okwija kugita aharurengo orwa TV