Obwa hati abantu 200 baahamibwa kuba baahwerekyerera omu ihanga ery’amashuuma ga Afrika

Hamwe n’abandi 100 omu ihanga eririhereire erya Zimbabwe beitu omubaro gw’abantu abarikuhwerekyerera gubaasa kweyongyera.

Abo abahonire ekigwererezi eki obwa hati nibacurira abantu baabo abatabaasize kukira kandi bari omukurundaana ebisigarira by’ebintu byabo.Bari omukyetaago ky’amaani eky’ebyokurya, oburaaro hamwe n’eky’okujwara.


“Ebyaro ebingi bitwairwe omutunga. Tushangire abakazi n’abaana bahanami emiti. Turiyo nitugyezaho okukora kyona eki turikubaasa,” omwe ahabirkuhwera kujuna amagara g’abantu nikwo agizire.


Baingi ahari abo abarohamire bariyo nibagyezaho kugaruka eruguru kwonka enjura etakyeire neeguma nereeta obuzibu obwo barikugyeza kuhwera abaremeirwe omumyanya egi.


Abo abarikujunwa ekigwererezi eki nibatwarwa omu kampu 56 eziri omukyanga eki


Enjura endiijo negambwa ku erikwija kweyongyera kugwa kandi abo ababaasize kuruga omumwanya ogu baine omugisha. Omwebembezi w’ihanga owa Mozambique agizire ngu abantu abarikuhika 100,000 bari omukabi k’okuhwerekyerera kandi nabo baine okwerarikirira ngu obuhwezi bubaasa obutabahikira omubwire.