Omubiri gwa Archbishop Lwanga nigwija aharwamukaaga

Omubiri gwa Bishop wa Orthodox Metropolitan Jonah Lwangwa nigwija kuhika omu ihanga aharwamukaaga oru, omuhwezi wa mukuru w’eihanga Jessica Alupo nikwo yaagira

Alupo yaagira ngu ekikyerereize omubiri kwa Archbishop kuhika omu ihanga n’ebiragiro by’amaani ebuteirweho kukingira endwara ya #COVID19 omu ihanga rya Greece.

“Ninkihamya ku omubiri gw’obeire ari Archbishop Lwanga kandi hoona owaafeereire omuri Athens Greece guriyo nigureetwa omuka barikuhwerwaho gavumenti ya Uganda,” nikwo yaagira omukihandiiko eki yaata ahamukutu gwe ogwa Twitter eriizooba.

Lwanga afeereire omuri Greece bwanyima y’okumara obwire arwaire.

Abaire ari omunyadiini w’orurengo rw’ahaiguru omu Uganda kandi akeebemberao eitware erya Kampala na Uganda yoona, omu Africa eya rwagati obwo ahansi y’ekanisa eya Alexandria kuruga omugwa 1997 kuhisya obu afire omukwezi kwa 9 2021

Obwa hati Archbishop Makarios Tillyrides owa Nairobi niwe amugiire omubigyere bwanyima y’okuteebwaho Paapa kandi omureeberezi ow’ekanisa eya Alexandria, Theodoros II nk’omureebrezi w’eitware erya Kampala.

Makarios nateekateekwa kuba niwe yayebembera eby’okuziika kwa Lwanga.

#WestUpdates