Omukazi yaanagira omushambane omwerere w’ekiro kimwe

Sharon Ainembabazi obwahati ari kurira aha kishaka, niweyanagira Musa Kategano omwerere bwanyuma y’okumuzara, atyo akamunaga aha muryango gwe, akegyendera.

Shamirah Namatovu, owabaire ari nawe omwirwariro yagiira ngu amugambireho oku abasa kukora ekikorwa eki bwanyuma y’okushaba omushaija sente z’okupangisa enju akabura kuzimuha.

Karim Matovu ori ceyamani wa Rubeeho, yahamya ngu omukazi ogu akangana omumaka g’omushaija omuri Kiyenje Masha, bwanyuma yibba kumukwatira omubushambani kandi omukire kakye bamureeba nakundana na Musa omunyeeto kandi ogu bahabwire kummwetantara.

Musa Kategano ou yanagira omwerere, yagiira ngu tari kumanya enshonga emurugirireho kunaga omwaana we, akamusiiga aha kisasi ky’enju.

Twahika n’omukyaro kya Kiyenje au Ainembabazi yayangine omumaka ga Henry Kashamba, yatugambira enaku eyamurabizemu omuri okumukwata n’abashaija buri kanya.

Yahamya ngu akakomesa n’omukazi ondijo ou yashwire, ari kugiira ngu akitta omwaana we yamunaga omukidiba, kwonka bwanyuma y’ekikorwa eki, abasa kuba nikwe yamweyitire kumuremesa amaka agu yarugiremu.