Omwana ateirwe amashanyarazi yaafa omuri Rukungiri.

Okurugirira aha mugambirizi wa pooriisi y'ekyanga kya Kigezi, Elly Maate, Miracle Ainebyoona- ow’emyaka 2 ateirwe amashanyarazi obu nyina, Immaculate Ahereza abaire agiire kushaba.
Pooriisi negira ngu butandu egi ebaireho aha Sunday shaaha ina n’ekicweka z’akasheeshe omu kyaaro kya Kyomera, omu gombororora ya Bugangari omu disiturikiti ya Rukungiri.


"Aho naho nyina yaheza kurugaho, Ainebyoona agiire kuzaana n’abaana abandi nikwo kutandika kuzanisa waaya y’amashanyarazi ebaire nekoresibwa kukanika egaari. Aho niho amashanyarazi gamutereire kandi afiire arikutwarwa omu clinic ebaire eri haihi," okurugirira ahari Maate.


Omutumbi gw'omwana gutwirwe ahirwariro rya Rwakabengo health centre III kugukyebera kandi nabwanyima guhiirwe abanyabuzaare be kuguzika.