Omweshongozi wa Africa rurangaanwa, Oliver Mtukudzi yaafa.

Oliver Mtukudzi

Yebare kutuha ebi turaahume nitukwijukiraho Oliver Mtukudzi, omwe aha beeshoongozi b'omutaano abu eihanga rya Zimbabwe ryagizire, yaafa bwanyima y'okumara akaire karingwa arwaire. Yafeera ahari Avenues Clinic Harare, Zimbabwe.

Mtukudzi, abaire naamanywa nka "Tuku" omubahagizi be omuri Zimbabwe n'ebicweka by'ensi ebindi. Ebyeshongoro bye ebingi nka Neria,Todii, hear me lord n'ebindi bingi bibaire nibyoreka oku orurimi oru barikugamba orwa shona niri rungi munonga omukurweshongora.

Mtukudzi, omuntu obaire narwanirira obugwagye bwa boona arikuhayo sente ahari abo bataine, abaire atarikusherekyera oku ayemereire omubikwatiraine n'amagara gye hamwe n'endwara ya siriimu kandi akahandiika ebyeshongoro nka Todii na Tapera nibigamba ahandwara na munonga omu minyeto.

Huumura omubusingye.