Omwishiki w’emyaka 13 agweire omumaizi yaafa

Omwishiki w’emyaka 13 agweire omumaizi yaafa bwanyima y’enjura y’amaani kugwa omu disiturikiti ya Rubanda. Ogu abaire agyeire kushenya enku.

Poriisi yaagira ngu Hildah Orishaba obaire ari omwegi, abaire naatuura n’ishe, Justus Rushagunga ow’emyaka 45 omutuuzi wa cell ya Nangalo omu tauni kanso eya Hamurwa omu disiturikiti eya Rubanda.

Poriisi yaagira ngu omugyenzi agenzire na nyina Beatrice Nyakarungi shaaha 8 z’eihangwe omukibira kushenya enku.

Abeereebeire n'agaabo bagambeire poriisi ngu nka shaaha 12:30, abatuuzi bagambeire ishe ngu omuhara atwaire omucungiro gw’amaizi bwanyima y’enjura y’amaani egweire omukyanga eki.

Omubiri gwe gureebirwe ahamucungiro gw’amaizi omu tauni kanso eya Hamurwa nikwo kumanyisa poriisi.

Poriisi ebaire ekuriirwe ASP Bonny Echonga bahikire ahamwanya ogu nikwo kwiha omutumbi omumaizi.

Omutumbi gutwaire omu k'abafu kukyeberwa.