Otwaire naariisa abantu ebinyantinda – baamukwasire butuunu arikubikaranga baamubinga aha kyaro kakoba

Omuri Kakoba Mbarara omutaka atwaire nayita za karoori n’ebinyantinda akabikaranga ahandi akayoora esente obwe arikubibaguza ngu nibitamba endwara zitarikushushana.

Omuntu ogu ni Alexdander Moses enzarwa y’omuri Masheruka Sheema kandi ogu bamwe nibamweta Pastor.

Eby’okugaranga karoori n’ebiyantinda etwire nabikorera omuri Alliance Kakoba aha omuri Mbarara kandi ngu akatandika kubikaranga bwanyima y’okubonekyerwa omu kirooto ngu karoori nebinyantinda yabikaranga akabisa nkensano ngu nibitamba endwara zitari zimwe na zimwe.

Ahabwa ekiniga eky’abataka aba basharamu okumuriisa ebintu ebi kifuuba omuri n’okumywa ebindi bintu ebi arikukoramu.

Ebi byoona ebiri kukorwa akakiiko aka LC 1 baba bariho kandi bwanyima bayegitwaho pooriisi kandi aba bahendera barikumubinga aha kyaro nka LC kandi pooriisi yagira ngu neza kugumizamu n’omushango.

Ogu bamufurura kifuuba kandi omu kugyenda kwe yagira ngu abakazi abatwire nibamukwana arikubanga nibo bamwiguraho emparana.

Ahi twarugiire omumwanya ogu tutsigire pooriisi erikushendekyera nyamushaija.