Owabaireho Minister, Herbert Kabafunzaki yaasingisibwa ogw'oburibw'enguzi

 

Owabaireho Minista w’eihanga ow’enshonga z’abakozi, Herbert Kabafunzaki yaasingisibwa omushango gw’oburibw’enguzi omuramuzi wa kooti y’oburi bw’enguzi, Margret Tibulya.

 

Kabafunzaki naija kumara emyaka 3 omu kihome yaaba atashashwire  miriyooni 10 ezi ataangisiibwe kushashura.

 

Omuramuzi Tibulya yaaragiira Kabafunzaki obutakora omu offiisi ya gavumenti yoona kumara emyaka 10. Kandi ahabw’obutashashura esente za ‘bail’, esente ezi abaire aine okushashura, naija kuzishashura eihanga.

 

Ogu yacwerwa orubanja oru n’obu araabe atareebekaho omu kooti kandi Pooriisi yaaragiirwa kumukwata ahu baraamureebe.

 

Kabafunzaki najunaanwa okwiha aha mushuubuzi Mohammed Hamid, owa Aya Group ekituga kya sente zirikuhika miriyooni 15.