Paramenti kukyencura omuhwezi wa purezidenti hamwe n’enganzi y’eihanga abatoorainwe

Uganda

Paramenti neija kushitama eriizooba 10/6/2021 kukyencura omuhwezi wa purezidenti hamwe n’enganzi y’eihanga abatoorainwe obwo barikweteebekanisiza okushoma embarira y’eihanga ah’eizooba niryo rimwe.

Purezidenti Yoweri Kaguta Museveni atooraine Maj.(Rtd) Jessica Alupo kuba omuhwezi we hamwe ma Robinah Nabbanja kuba enganzi y’eihanga.


Alupo,47,ogiire omu paramenti ya 11 nk’omujwekyerwa w’abakazi ahabwa disiturikiti eya Katakwi,naaza  omubigyere bya Edward Ssekandi obaire ari omuhwezi wa purezidenti.

Atakasingiirwe omugwa 2016, Alupo akakoraho nka minista w’eby’obwegyese omuncuuro eya 2011-2016.

Ogu naaba omukazi wa kabiri kuba Vice Purezidenti nw’eihanga, obwo arikukuratira Dr.Specioza Wandira Kazibwe owabaire omukazi owokubanza kuba omuhwezi wa purezidenti omubyafayo bya Uganda.

Robinah Nabbanja,51 naija kuba naaza omubigyere bya Dr. Ruhakana Rugunda nk’enganzi y’eihanga omusya. Nabbanja ogarukire omuntebe ye nk’omuny’ishengyerokazi ahabwa Kakumiro,atwaire ari minista w’eihanga ow’eby’amagara arikujunaanwa ahabw’emirimo yoona.

Dr.Rugunda atoorainwe kuba omuhabuzi wa purezidenti ahabw’emirimo yoona omu offisi ya purezidenti.