Radio West esingwire ekirabo ky’okuba reediyo nungi munonga omuri Burengyerwa-izooba

Radio West 100.2 FM

Radio West etoorainwe kuba eri reediyo erikukirayo kushemeza omuri Burengyerwa-izooba ahamukoro gw’okugaba ebiconco ebya Mbarara Entertainment Awards.

Ebiconco ebi bietebeekanisiibwe ekitongore ekya Asante Media ekirikwinegyeza eby’okuhanga-hanga hamwe n’okukora emirimo kurungi omururembo Mbarara obwo barikurongoora abantu n’ebitongore ebikozire gye kukira abandi kureebeka ngu Mbarara yaaba orurembo rw’omutaano.

Omukoro ogu gubaireho ahakyombeko kya Adit Mall omuri Mbarara.

Okurugiirira ahabatebeekanisa, omukoro ogu n’ogw’okubaho buri mwaka.


Manegya wa Radio West, Moses Ateng, ayakiire ekirabo eki arikugira ngu eki nikyoreka empinduka ei Radio West ereetsireho ahankuyanja y’abantu omukyanga n’ahandi abarikuhurikiriza Radio.