RIP Suleiman Matojo Tiguragara

Suleiman Matojo Tiguragara (1954-2020), enzarwa ya Nyamunuuka, Bwongyera, Kajara, Ntungamo akatandika eby’amakuru emyaka 38 ehwaire bwanyima y’okutunga diiguri y’ebyamakuru kuruga aha ah’itendekyero erikuru erya Makerere.

Matojo atakabaire manegya wa Radio West akabanza yakora na Radio Uganda obwahati UBC nka Radio y’okubanza omu Uganda kuruga 1982 – 1998.


“ Nkaba ntarikumanya ngu nyine eiraka rirungi mpaka ahi abantu baatandikiire kungira ngu riboneire munonga ry’okuguma nirigambira aha Radio”, Matojo.


Omushaara gwe gw’okubanza gukaba guri 7,500/= buri kwezi. Mukama we akamuha omurimo gw’okuza kushaka amakuru kuruga omu baheekyera b’omugyenzi Andrew Lutakome Kayiira omuri Kakiri ahi yashangire nyina w’omwe ahabamanyakuru ari omuheekyera.

“Ogundi omurundi bakanyeta aha Nile Mansions obwa hati Serena Hotel kushoboorora aha makuru agu naabaire nshakire kuruga Kiringe omuri Mpigi. Nkaba ngireyo na Minisita w’ebitongore by’abeeteeraine na Everest Nyanzi ahakuziika obuhanga bw’abantu 1000,” Matojo.

Okukora na Radio West
1999-2011 nibwo atandika kukora na Radio West. Akatandika nk’omuhwezi wa mukuru wa za puroguraamu 1999-2002, omugwa  2002-2003 bamuhindura manegya wa za Puroguraamu.

Omu mwaka gwa 2003 yaija yaaba manegya wa Radio West mpaka omugwa 2011. Omu mwaka 2013 nibwo baamuha obwa RDC wa Lyatonde obu amaziremu emyaka 4 yonka. Hati tihaine eki abaire naakora obu agiire kufa.
Mukama omugyenzi amuhe akihuumuro kirungi kandi eky’obusingye.