UCU na UWF beeteekateekyeire eza UCU Open

Abarikutebeekanisa empaka z’omuzaano gwa Woodball eza National Open Woodball Championship ahakiro ky’okwetegyeka 09.10.2021 omuri Mukono nibagira ngu tibaine ki barikwekwatsa ekirikubaremesa kutebeekanisa empaka za woodball kandi hoona ezirikusinga ahazibaatebeekaniise omugwa 2019

Eki nikiijaho bwanyima y’abarikuza kutayaayisa empaka ezi, aba Uganda Christian University, kubahamiza ku beeteekateekire kutayaayisa empaka ezi aharwamukaaga na Sande n’obu haraabe harimu obuzibu bwa #COVID19

Omuhwezi wa mukuru w’eitendekyero eri Prof Aaron Mushengyezi ahamize ebi obu abeire nagaaniiraho n’abanyamakuru aha ofiisi ye agumize ngu eitendekyero eri ryehaireyo kutunguura eby’emizaano kandi buri kimwe kyatebeekanisiibwe ahabw’empaka ezi kubaho.

“Itwe nka Yunivasite twehaireyo kushagika eby’emizaano omuri buri muringo ogurikubaasika ahabw’okuba nigureetaho emigisha y’ensinganto,” Mushengyezi nikwo arikugira.

“Ekishaayi kyona twakitereerize kandi buri kimwe kiri omubuteeka. Twetebeekaniise kutayaayisa abazaani boona kandi naitwe kuzaana ahabw’okuba nitukimanya ngu omu nimwo baraatoorane abarikuza kujwekyera eihanga erikuza omumpaka z’amahanga eziraabeho omuri Kenya

Ahigire abatebeekanisa boona hamwe n’abo abarikuza kuza omumpaka ezi kugyendera ahabiragiro ebi ekitongore ky’eby’amagara kwerinda okujanjaara kw’akakooko ka #COVID19 ku baraabe nibazaana empaka ezi.

Omuhwezi wa mukuru w’ekibiina ekirikukurira omuzaano gwa Woodball (Uganda Woodball Federation), Vincent Kisenyi, ayebarize UCU ahabw’okugumizamu barikushagika eby’emizaano.

“Twine okusiima kuhango ahabwa UCU kandi nituraganisa kukora nk’oku kirikubaasika kugyendera ahabiragiro by’ekitongore ky’eby’amagara nk’oku omuhwezi wa mukuru w’eitendekyero reeru empaka ezi zigyende kurungi omumaisho,” Kisenyi nikwo agizire.

Abaasingire empaka z’omwaka 2019 aba Kampala International University omurubaju orw’abashaija eshaaha yoona n’ab’okuhayana na Ndejje Corporate na Ndejje University

Ebyo bikiri aho, omurubaju orw’abakazi, Ndejje University kandi hoona abaine ekikopo eki nibaija kuriitana na KIU abahendereire omugwa kabiri hamwe na Eminents Woodball Club abaahendereire omugwa kashatu.


N’ebya Johnson Were
#WestSports